Шефот на влијателната организација Европска иницијатива за стабилност Гералд Кнаус упатува апел но и обвинување до шефовите на Европската Комисија, германската, француската и италијанската влада Фон дер Лајен, Макрон, Мерц и Мелони.
Кнаус вели дека се случува очекувано предавство и катастрофа во процесот на проширување со сите земји кандидати меѓу кои е и Македонија.
,,Политиката за проширување на ЕУ не успеа во Турција.
Не успеа во Грузија.
Не успеа во Србија.
Не успева во С. Македонија.
Ќе пропадне и во Молдавија и Украина… освен ако политиката не се промени брзо.
Ова би било катастрофа и предавство, но НЕ е изненадувачки”, пишува Кнаус кој реагира на анализа на проширувањето на екс литванскиот министер за надворешни работи Габриелиус Ландсбергис.
Според Кнаус кој има директен пристап до Берлин, Париз и Рим политиката на проширувањето не успева од причини кои беа очигледни во 2019 година, а не се променети оттогаш.
Неговата организација ESI оваа ситуација која ја опиша како „балканската стапица“ за Украина ја опиша уште во 2022 година во свој извештај за проширувањето на ЕУ.
Кнаус не ги спомнува Косово и Босна и Херцеговина во својот апел до европските лидери.
,,Дали Фон Дер Лајен @vonderleyen Фридрих Месец @_FriedrichMerz, Џорџа Меолни @GiorgiaMeloni, Емануел Макрон @EmmanuelMacron ќе чујат и ќе дејствуваат?”, прашува Кнаус.