Воените вежби на НАТО во балтичкиот регион се дел од подготовките на алијансата за можен воен конфликт со Русија, изјави рускиот заменик-министер за надворешни работи Александар Грушко, како што објави новинската агенција ТАСС.
„Ја оценуваме воената активност на НАТО како дел од подготовките за воени конфликти со Русија“, го цитираше Грушко, ТАСС.
Овој месец се одржува BALTOPS 25 – годишната воена вежба на НАТО во Балтичкото Море и околните региони.
Овогодинешната BALTOPS 25 е најголемата годишна поморска воена вежба на НАТО во Балтичкиот регион, која се одржува од 3 до 20 јуни 2025 година.
Во вежбата учествуваат околу дваесет земји, повеќе од 40 бродови, 25 авиони и приближно 9.000 припадници на вооружените сили.
Вежбата се спроведува на широка област на јужниот Балтик, од Данскиот Проток и Јитландскиот Полуостров до Гдањскиот Залив, и вклучува боево гаѓање на поморски полигони.
BALTOPS 2525 дополнително ја зајакнува интероперабилноста и подготвеноста на сојузниците на НАТО и ја демонстрира заедничката способност за одбрана и зачувување на слободата на навигација во регионот, особено во годината кога НАТО ја слави својата 75-годишнина.