Одлуката ја донесе моќното Собрание на експерти на Иран, свештеничкото тело одговорно за избор на највисокиот орган на земјата, објавиja медиуми иако официјален Техереан се уште не го сторил тоа.
Се тврди дека изборот дошол под притисок од Корпусот на исламската револуционерна гарда, кој инсистирал на назначувањето на Мохтаба Хамнеи.
Мохтаба Хамнеи, вториот син на убиениот врховен лидер Хамнеи, се смета за поврзан со тврдокорниот конзервативен табор на Иран, како и неговиот татко.
Тој јавно ја поддржа репресијата на режимот врз противниците во Иран и се залагаше за асертивна политика кон надворешните непријатели.
Мохтаба, свештеник од средно ниво кој предава шиитска теологија во светиот град Ком, религиозен центар на Иран, никогаш немал официјална владина позиција, но се верува дека имал значително влијание зад сцената.
Познат е дека има блиски врски со Револуционерната гарда.
Претходно беше соопштено дека и тој бил меѓу роднините на Хамнеи убиени во нападите.
Претходно, иранските медиуми објавија за напад врз зградата на Собранието на експерти во градот Ком.
Според полуофицијалната агенција Тасним, нападот го извршиле американските и израелските сили.
Собранието на експерти е тело составено од 88 свештеници кое има моќ да избере нов врховен лидер на Иран. Тој треба да го наследи ајатолахот Али Хамнеи.