Најмалку 248 лица загинаа, а повеќе од 100 се’ уште се водат како исчезнати по катастрофалните поплави и лизгање на земјиштето што го погодија индонезискиот остров Суматра.
Деструктивната моќ на природата, предизвикана од монсунските дождови, беше дополнително засилена од земјотресот со магнитуда од 6,3 степени што го потресе истото подрачје во четврток, објави Скај њуз.
Спасувачките екипи се борат да стигнат до оддалечените области кои се целосно отсечени од надворешниот свет поради уништени патишта и прекинати комуникациски врски.
Властите стравуваат дека бројот на жртви ќе продолжи да расте. Драматични снимки од теренот покажуваат како спасувачите газат низ кал до половината, додека стотици полицајци, војници и локални жители копаат низ урнатините со голи раце и лопати. Нивните напори се дополнително отежнати од обилните дождови што продолжуваат да паѓаат.
Landslides and floods caused by heavy rainfall in the Sibolga, North Sumatra, Indonesia 🇮🇩 pic.twitter.com/XAY65k6bOs
— Disaster News (@Top_Disaster) November 25, 2025