Владимир Путин за прв пат на состанокот на Советот за безбедност го коментираше новиот мировен план на американскиот претседател Доналд Трамп за Украина на денешниот состанок на Советот за безбедност, велејќи дека документот од 28 точки „може да биде основа за конечно решение на конфликтот“.
Москва вечерва ѝ порача на Украина дека „ѝ даваат последна шанса“.
Путин рече дека предлогот на САД во моментов се дискутира само во скица, но дека Русија го смета за сериозна основа за преговори.
„Верувам дека планот може да се користи како основа за конечно мировно решение“, рече рускиот претседател.
Тој додаде дека предлогот не напредувал во преговорите затоа што Вашингтон, тврди тој, не може да ја обезбеди согласноста на Киев.
„Причината е иста: американската администрација сè уште не успеала да ја обезбеди согласноста од украинската страна. Украина е против тоа“, рече Путин.
Русија, тврди тој, потврди во Анкориџ дека се согласува „и покрај постојните тешкотии“ со главните точки од американскиот документ. Новата верзија на планот се појави, рече тој, поради застојот во преговорите.
Во исто време,украинскиот претседател Володимир Зеленски, синоќа се обрати до нацијата и оцени дека ова е „најкритичниот момент од почетокот на инвазијата“ и за огромниот притисок од САД да го прифати планот.