Турските власти приведоа тројца карикатуристи поради сатиричен цртеж објавен од неделникот „Леман“, на кој се прикажани муслиман по име Мухамед и Евреин по име Мојсеј како се ракуваат на небото додека ракети летаат над нив во сцена што потсетува на војна, објави АФП
Црно-белата карикатурата предизвика остри осуди од владини претставници и религиозни конзервативци кои рекоа дека го прикажува пророкот Мухамед, а демонстрантите нападнаа истанбулски бар каде што често одат вработените во „Леман“, предизвикувајќи судири со полицијата.
Во неколку написи во „Х“, министерот за внатрешни работи Али Јерликаја рече дека полицијата го уапсила карикатуристот одговорен за „овој одвратен цртеж“, главниот уредник на списанието и неговиот графички дизајнер.
„Уште еднаш ги проколнувам оние што се обидуваат да посеат раздор цртајќи карикатури на нашиот пророк Мухамед“, напиша Јерликаја.