Свет

Ноќ на ужас во Киев – Русија демонстрира моќ со „Орешник“ (ВИДЕО)

Според досегашните информации, во нападот загинале четири лица, а повредени се над 80, меѓу кои и цивили.

2 минути за читање

Русија во ноќта меѓу 23 и 24 мај изврши еден од најтешките комбинирани напади врз Киев и околината од почетокот на војната, при што беа истрелани околу 90 ракети и 600 дронови.

Украинскиот претседател Володимир Зеленски соопшти дека меѓу истрелениот проектил имало 36 балистички ракети, од кои дел не биле пресретнати. Во нападот, според украинските власти, за првпат во Киевскиот регион е употребена и новата руска ракета со среден дострел „Орешник“.

Според досегашните информации, во нападот загинале четири лица, а повредени се над 80, меѓу кои и цивили. Оштетени се станбени згради, училишта, инфраструктура и водоснабдителни објекти.

„Орешник“ – третпат во војната

Украинските воздухопловни сили потврдија дека „Орешник“ бил лансиран од полигонот Капустин Јар во Русија и дека удрил во регионот на Била Церква во Киевската област. Ова е третпат од почетокот на војната Русија да го употреби ова оружје, кое Москва го промовира како хиперсонично.

Руското Министерство за одбрана нападот го квалификува како „удар на одмазда“, тврдејќи дека целите биле воени објекти, авиобази и капацитети од украинскиот одбранбен комплекс. Русија ги користи ракетите „Орешник“, „Искандер“, „Кинжал“ и „Циркон“.

Реакција од Зеленски

Претседателот Зеленски го осуди нападот како директно насочен против цивилното население и градската инфраструктура. Тој истакна дека таквите напади не смеат да останат без последици и повторно повика на посилна поддршка од западните сојузници, особено за противвоздушна одбрана.

Поврзани теми:

Русија|„Орешник“|Украина|војна|актуелно

Повеќе на оваа тема:

Најнови вести од: Свет

ЕУ почна со забраната за увоз на руски гас преку цевководи

Посебна тужба против регулативите поднесе и швајцарската компанија „Норд стрим 2 АГ“, операторот на гасоводот „Норд стрим 2“. Таа компанија бара одлуката или нејзините клучни одредби да бидат поништени, тврдејќи дека забраната ефикасно ја лишува од можноста да го користи гасоводот за комерцијални цели.

Цената на нафтата паднаа под 80 долари за барел в очи на договорот меѓу САД и Иран

Цените на нафтата на светските пазари паднаа денеска за повеќе од пет отсто, под 80 долари по барел. До оваа ситуација дојде по сигналот дека САД и Иран би можеле веќе оваа седмица да постигнат договор со кој би се овозможил непречен премин на танкерите низ Ормускиот теснец и обнова на извозор на енергенси од регионот на Персискиот залив, пренесе „Трејдинг економикс“.

Трамп: Лага е дека САД му плаќаат на Иран 300 милијарди долари за мир

Претседателот на САД, ги отфрли тврдењата дека Вашингтон му обезбедува финансиска помош на Иран, нарекувајќи ги извештаите за финансирање од САД „лажни вести“ во услови на извештаи за пакет за реконструкција вреден повеќе милијарди долари, објавија Ен-Би-Си њуз и Фајненшнел тајмс.
Сите вести од Свет

Најнови вести

To top