Најмалку осум малолетници беа убиени, а неколкумина други повредени во масовно пукање во градот Шривпорт, третиот најнаселен во американската држава Луизијана, додека осомничениот напаѓач е исто така мртов, соопшти локалната полиција.
Според полицијата, пукањето се случило рано утрово по локално време, а жртвите се на возраст од 18 месеци до 14 години.
Две возрасни жени се здобиле со прострелни рани во главата и преживеале, а едно момче е повредено откако скокнало од покрив, објави локална телевизиска станица, филијала на Еј-Би-Си.
Осомничениот, возрасен маж, е убиен во одделен инцидент во округот Босиер Париш.
Голем број полициски сили сè уште се на местото на настанот, а според првичните информации, случајот има елементи на семејно насилство.