По повод католичкиот Божик, папата Лав XIV синоќа испрати повик за еднодневно примирје на сите фронтови на планетата.
Од својата резиденција во Кастел Гандолфо, пред заминување кон Ватикан, папата, кој има американско потекло, ја повтори пораката:
„ Ја повторувам оваа молба до сите луѓе со добра волја да одбележат барем еден ден мир на овој празник на раѓањето на Спасителот. Можеби ќе нè послушаат и ќе има 24 часа мир во целиот свет“, истакна папата Лав. .
Но тој додаде дека е срастажен што „Русија се чини дека го отфрли барањето за примирје“.
Во Ватикан вечерва ќе ја служи својата прва божиќна миса откако беше избран за папа, а утре ќе го даде благословот „Urbi et Orbi“, традиционалниот говор во кој папата ја опфаќа мапата на сите војни и конфликти на планетата.