Свет

Проевропската партија победник на изборите во Молдавија

За време на кампањата, партијата предводена од претседателката Маја Санду, вети дека ќе ја внесе земјата во ЕУ во следните пет години.

Владејачката проевропската Партија за акција и солидарност (ПАС), предводена од претседателката Маја Санду, освои 50,03 проценти од гласовите со преброени 99,5 проценти од гласовите од вчерашните избори во Молдавија.

Иако дефинитивно е победник, сè уште не е јасно дали ќе може да го задржи апсолутното мнозинство во 101-члениот парламент, објавува АФП

. Таа е пред прорускиот Патриотски блок, кој освои 24,26 проценти.

Прорускиот Патриотски блок на поранешниот претседател Игор Додон освои 24,26 проценти, според резултатите објавени од Централната изборна комисија на нејзината веб-страница.

Додон е лидер на Социјалистичката партија на Молдавија (PSRM) и лидер на изборниот сојуз Блок на патриоти.

Логото на сојузот прикажува бело-црвена ѕвезда со срце внатре, со „вграден“ советски симбол на срп и чекан во неа.

Додон се опишува себеси како десничар, посветен на „традиционалните вредности“ и сака да ги завршува своите видеа со христијанскиот православен поздрав „Бог да ни помогне!“.

Следуваат проевропскиот блок Алтернатива (8,41 проценти), Наша партија (6,27 проценти) и Демократија дома (6,28 проценти).

Доколку владејачката партија го задржи апсолутното мнозинство, таа ќе продолжи да ја води земјата кон целта на партијата за пристапување во Европската Унија до 2030 година.

Во спротивно, таа ќе биде принудена да бара коалиција со помалите партии.

Владејачката партија има мнозинство од 61 од 101 места во националниот парламент од 2021 година.

За време на кампањата, таа дури вети дека ќе ја внесе земјата во ЕУ во следните пет години.

Најнови вести од: Свет

Рама се пошегува на сметка на Трамп, Макрон се изнасмеа (ВИДЕО)

Трамп во август во интервју за „Фокс њуз“ се фалеше дека сопрел 7 потенцијални војни во светот и притоа направи гаф, зборувајќи за конфликтот меѓу меѓу Ерменија и Азербејџан околу Нагорно-Карабах кој заврши со потпишување мир во Белата куќа.

Трамп бара договор од универзитети: Потпишете ако сакате федерални пари

Администрацијата на претседателот Доналд Трамп побара од американските универзитети да потпишат договор што содржи услови за добивање преференцијален пристап до федералните средства, објави вчера „Волстрит џурнал“, повикувајќи се на меморандум од 10 точки.

To top