Најмалку 787 лица се убиени во израелско-американските напади врз Иран, соопшти денес Иранската организација „Црвена полумесечина“.
Хуманитарната група објави на Телеграм дека нападите се случиле во 153 градови низ целата земја.
Повеќе од 3.600 служби за итни случаи биле распоредени низ целата земја, соопшти таа, додавајќи дека операциите за пребарување и спасување продолжуваат на многу локации.
Норвешка група за човекови права „Хенгау“ вчера значително го зголеми бројот на жртви од саботата, известувајќи за повеќе од 1.500 смртни случаи.
Според „Хенгау“, околу 1.300 од загинатите биле членови на вооружените сили и околу 200 цивили.
Групата соопшти дека се потпира на мрежа на контакти во земјата за да ги документира жртвите.