По вчерашната средба на рускиот пртседател Владимир Путин со специјалниот претставник на Трамп, Стив Виткоф, официјален Кремљ соопшти дека САД понудиле „прифатлив предлог“.
Според помошникот на Путин, Јуриј Ушаков, Вашингтон презентирал предлог што Москва го смета за „прифатлив“.
Полскиот медиум „Онет“ тврди дека, наводно, ги добил деталите од предлогот а тие се:
- Прекин на огнот меѓу Украина и Русија – не мировен договор;
- Де факто признавање на окупираните територии со „замрзнување“ на прашањето за 49-99 години;
- Укинување на повеќето санкции наметнати врз Русија;
- Евентуално враќање на увоз на руски гас и нафта;
- Нема гаранции во врска со непоширувањето на НАТО;
- САД нема да ја прекинат воената поддршка за Украина.
Во предложениот план, „замрзнувањето“ на прашањето за окупираните територии за неколку децении би претставувало форма на фактичко признавање на руската контрола, но без меѓународен правен легитимитет.
Тоа што го нема во планот е отсуство на гаранција дека НАТО нема да се шири кон УКраина и да престане да испраќа воена помош.
Сега се чека најавената средба меѓу претседателите Владимир Путин и Доналд Трамп.
