Ирански и американски претставници треба да се сретнат во Оман денеска ( 6 февруари) на рунда разговори со висок ризик, која се смета за последен обид за спречување на голема воена ескалација во Персискиот Залив.
Истовремено, прес-службата на американската амбасада во Иран предупреди, Американските граѓани веднаш да го напуштат Иран по копнен пат кон Ерменија или Турција.
„Развијте план за напуштање на Иран кој не зависи од помошта од американската влада“, се вели во соопштението.
Амбасадата, исто така, предупреди дека американските граѓани треба да очекуваат прекини на интернет во Иран.
Американските граѓани се изложени на висок ризик да бидат притворени во Иран, а покажувањето американски пасош или врски со САД само по себе може да биде основа за апсење, нагласи амбасадата.
Американската влада нема дипломатски или конзуларни односи со Иран, нагласи амбасадата.
Во врска со протестите во Иран, американскиот претседател Доналд Трамп постојано изјави дека САД ќе нанесат „многу силен удар“ на Исламската Република ако нејзините власти почнат „брутално да убиваат мирни демонстранти“.
Трамп подоцна изјави дека „огромна армада“ од американски воени бродови, вклучувајќи го и носачот на авиони Абрахам Линколн, се упатува кон Иран.
Трамп, исто така, го повика Иран да склучи нуклеарен договор. „Доколку Техеран не се согласи на договор, предупреди претседателот, следниот американски напад ќе биде „многу полош“ од оној што се случи во јуни 2025 година“, рече американскиот претседател.
Првично, страните требаше да се сретнат во Истанбул со набљудувачи од Блискиот Исток.
На 3 февруари, Техеран побара разговорите да се преместат во Оман и да бидат исклучиво билатерални, како и посветени само на нуклеарната програма.
Подоцна, иранскиот министер за надворешни работи, Абас Арагчи, објави дека преговорите ќе се одржат во главниот град на Оман, Мускат, денеска на 6 февруари.