Свет

Трамп бара ЕУ да воведе 100 насто царини за Индија и Кина

Американскиот претседател Доналд Трамп ја повика Европската Унија да воведе царини до 100 проценти за стоки од Кина и Индија

Предлогот има за цел да го принуди рускиот претседател Владимир Путин да ја прекине војната во Украина, изјави за Би-Би-Си извор запознаен со дискусиите.

Барањето, кое првпат го објави „Фајненшл тајмс“, беше упатено за време на состанокот на американски и европски претставници во вторник, на кој беа разгледани начините за зголемување на економскиот притисок врз Русија.

Предлогот доаѓа во време кога Трамп се обидува да посредува во мировен договор меѓу Москва и Киев, а руските напади врз Украина се интензивираат. Трамп, исто така, им рече на новинарите во вторник дека планира да разговара со Путин по телефон оваа недела или почетокот на следната недела.

Инаку, Кина и Индија се клучни купувачи на руска нафта, помагајќи во одржувањето на руската економија. Минатиот месец, САД воведоа царина од 50 проценти на стоки од Индија, што вклучуваше казна од 25 проценти за нивните трансакции со Русија.

Иако ЕУ објави дека ќе ја прекине својата зависност од руските енергетски извори, околу 19 проценти од увезениот природен гас сè уште доаѓа од Русија. Доколку ЕУ воведе царини за Кина и Индија, тоа би претставувало промена во нејзиниот пристап кон изолацијата на Русија, која досега се базираше на санкции, а не на трговски давачки.

Најнови вести од: Свет

Речиси половина од Германците се за укинување на помошта за Украина

Дури 49 отсто, сакаат да се намали или целосно да се укине помошта за Украина, покажуваат резултатите од анкетата што денеска ги објави агенцијата за истражување на јавното мислење „Југов“, спроведена за германскиот неделник „Велт ам Зонтаг“

Трамп објави кои му се пријатели!

Истовремено објави две фотографии — на едната се прикажани Јосиф Сталин, Френклин Делано Рузвелт и Винстон Черчил како седат на веранда, а на другата се Путин, Си и Трамп како позираат стоејќи — и пропратен со натписот: „Големите сили — 1945, 2026“

Aмериканските технолошки акции потонаа – најлоша недела од кризата со Kовид-19

Инвеститорите повеќе не предвидуваат целосно зголемување од четвртина поен на состанокот на Федералните резерви во декември, неколку дена откако гувернерот Кристофер Волер шпекулираше дека централната банка би можела да испорача џамбо зголемување од 0,5 процентни поени.

To top