Свет

Трамп го пофали Зеленски: „Храбар е“

Мора да му се оддаде признание. Погледнете, мора да се каже дека е храбар. Има одлична опрема, но има и одлични луѓе. Има борци“, оценува американскиот претседател

2 минути за читање

Американскиот претседател Доналд Трамп јавно го пофали украинскиот претседател Володимир Зеленски, велејќи дека Украина се брани и дека нејзиниот лидер е храбар.

Ваквата изјава е во спротивност со неговоите претходни критики и „разочараност“ од украинскиот претседател…

За време на заедничката прес-конференција со генералниот секретар на НАТО, Марк Руте, во Белата куќа, новинарите го прашаа Трамп дали мисли дека Зеленски ја добива војната во моментов, со оглед на тоа што американскиот претседател е познат по тоа што претпочита „победници“.

Трамп разочаран од Зеленски

„Па, тој се справува доста добро. Погледнете, како и да го гледате, тој се справува доста добро. Барем се држи. Има многу луѓе што умираат од двете страни, но мислам дека се справува доста добро. Мора да му се оддаде признание. Погледнете, мора да се каже дека е храбар. Има одлична опрема, но има и одлични луѓе. Има борци“, рече Трамп.

Од своја страна, украинскиот претседател вели дека „Русија ќе биде принудена да потпише мировен договор“

Украина спроведува „внимателно пресметана операција“ на Крим и, со поддршка на партнерите, постои можност да се изврши притисок врз Русија да потпише мировен договор, рече Зеленски во циноќешното обраќање, пренесува Укринформ.

„Нашата операција, вклучително и онаа во врска со Крим, е внимателно пресметана, а начинот на кој се развива операцијата целосно докажува: ако Украина добие точно она што го разговаравме со нашите партнери во рамките на Г7 – а тоа зависи од одлуката на партнерите – ние брзо ќе создадеме услови што ќе ја принудат Русија да избере мир. Ние многу очекуваме позитивен одговор од нашите партнери – тие точно знаат што се подразбира“, рече тој.

Зеленски објасни дека партнерите на Украина јасно разбираат што се случува.

„Нашата војска моментално уништува цели што ги поддржуваат воените напори на Русија и на привремено окупираната територија на Украина и на сопствената територија на Русија – токму работи што ја прават оваа војна и руската агресија возможна“,  рече украинскиот претседател.

Поврзани теми:

Украина|војна|избор|зеленски|трамп|Русија

Повеќе на оваа тема:

Најнови вести од: Свет

„Политико“: ЕУ ги менува правилата за проширување, за да не биде блокирана, а угледот на Урсула Лаен е на коцка!

„Претседателката на Европската комисија Урсула фон дер Лаен се подготвува за борба со главните градови на ЕУ околу плановите за прием на нови членки. Taa има само неколку седмици да ги убеди дека може да се справува со опасностите од проширување на евроблокот. Угледот на Урсула фон дер Лаен е на коцка.“ – пишува денешното утринско издание „Плејбук“ на бриселскиот аналитички портал за европски прашања „Политико“ во својата статија со наслов „Операција за одблокирање“.

Тајландски функционер убиен во неговата канцеларија од поранешен пратеник

Вооружен човек уби тајландски функционер во канцеларија на локалната самоуправа на периферијата на главниот град Бангкок во понеделникот, соопштија властите, неколку дена откако пукањето во училиште во истата покраина повторно ја разгоре дебатата за контрола на оружјето.

Дали британскиот премиер ќе поддржи создавање „Европска конфедерација“ што би ја вклучила и Македонија?!

Британскиот премиер Енди Бернам доби предлог од поранешен член на Конзервативната партија во оваа земја, за создавање „Европска конфедерација“ во која би била вклучена и Македонија.
Сите вести од Свет

Најнови вести

To top