Американскиот претседател го покани папата Лав Четиринаесетти да ја посети Белата куќа а писмото со покана лично му го предал на новиот папа, потпретседателот Џеј Ди Венс.
„Тоа беше добра средба, продуктивна средба“, им кажа на новинарите портпаролката на Белата куќа Керолајн Левит зборувајќи за состанокот на потпретседателот на Соединетите Американски Држави Џеј Ди Венс со папата, додавајќи дека Трамп се надева дека ќе го види папата во Вашингтон „штом ќе може да дојде“.
Поглаварот на Римокатоличката црква, папата Лео Четиринаесетти, го прими утринава американскиот потпретседател Џеј Ди Венс на аудиенција во Ватикан, изјави претходно портпарол на американската влада.
Ватикан објави фотографија од папата, кој е по потекло од Чикаго, како ги прима Венс и шефот на американската дипломатија Марко Рубио, пренесоа светските агенции.