Коментирајќи ги изјавите на градоначалникот на Њујорк, Зохран Мамдани, кој тврдеше дека повеќе кандидати од демократско-социјалистичкиот камп би можеле да бидат избрани низ целата земја, Трамп вчера изјави дека комунизмот претставува најголема закана за Америка, пренесоа медиуми.
„Ова не е социјализам, ова е вистински комунизам“, оцени американскиот претседател.
„Тие го користат зборот „социјалдемократ“ затоа што звучи толку убаво, но всушност е комунизам“, нагласи американскиот претседател.
Трамп им рече на новинарите во Белата куќа дека демократскиот социјализам што го заговара Мамдани „во суштина го воведува комунизмот“ во Соединетите Американски Држави, нагласувајќи дека „никогаш немало нешто толку опасно“.
Трамп ја смета оваа идеологија за поопасна од терористичките напади од 11 септември и двете светски војни.
„Мислам дека ова е веројатно најсериозната закана со која се соочила нашата земја во својата историја.
Полошо од Првата светска војна, Втората светска војна, терористичките напади од 11 септември, јапонскиот напад врз Перл Харбор. (…)
На нив им е лесно да победат на избори затоа што им ветуваат на луѓето многу бесплатни работи. Лесно им е да привлечат поддржувачи со давање нереални ветувања“, рече американскиот претседател.
Во последните денови, Трамп почна често да ги критикува политичарите што го претставуваат левото крило на Демократската партија. Минатата недела, тој веќе ги нарече сериозна закана за Соединетите Американски Држави.