Американскиот претседател Доналд Трамп во понеделник изјави дека би било мудро неговиот венецуелски колега Николас Мадуро да се повлече, а САД би можеле да ја задржат или продадат нафтата што ја запленија крај брегот на Венецуела во последните недели, објави Ројтерс.
Кампањата на Трамп за притисок врз Мадуро вклучува зголемено воено присуство во регионот и десетици воени напади врз бродови за кои се тврди дека транспортираат дрога во Тихиот Океан и Карипското Море во близина на јужноамериканската земја. Најмалку 100 луѓе се убиени во нападите.
На прашањето дали целта е да се принуди Мадуро да се симне од власт, Трамп им рече на новинарите: „Па, мислам дека веројатно би било. Од него зависи што сака да направи. Мислам дека би било мудро да го стори тоа. Но, … ќе дознаеме.“
„Ако сака да направи нешто, ако игра строго, тоа ќе биде последен пат кога ќе може да игра строго“, рече тој.