Американскиот претседател Доналд Трамп ја обвини Европа дека купува руска нафта и рече дека сојузниците од Северноатлантската алијанса (НАТО) се однесуваат „меко“ кон Москва, и покрај тековната војна во Украина.
Тој ги повика европските сојузници да „ги заострат своите санкции“ кон Русија, заедно со САД.
„Европа купува нафта од Русија. Не сакам тие да купуваат нафта – а санкциите што ги воведуваат не се доволно строги“, им рече Трамп на новинарите, пренесе Ен-Ди-Ти-Ви
Американскиот претседател нагласи дека Вашингтон е подготвен да воведе построги санкции кон Москва, само ако Европа дејствува на начин „пропорционален“ на САД.
„Подготвен сум да воведам санкции, но тие ќе мора да ги заострат своите санкции за да бидат соодветни на она што го правам“, инсистираше тој.
„Јасно ставам до знаење дека нема да продолжите напред додека НАТО не преземе акција. Јас сум подготвен продолжиме напред, но и тие мора да го сторат тоа.
Но, во моментов тие зборуваат, а не прават ништо. Гледајте, тие купуваат нафта од Русија.
Ние не купуваме нафта од Русија. Тие купуваат многу нафта од Русија. Тоа не е договорот“, рече Трамп.