Украина, Русија и САД сигнализираа дека се подготвени за преговори во Ватикан, откако новоизбраниот папа Лав Четиринаесетти предложи Ватикан да биде домаќин на нова средба и преговори.
За време на обраќањето пред новинарите во Овалната соба, Трамп синоќа изјави дека преговорите во Ватикан „би биле одлична работа“ и дека таквата локација „дополнително би ја нагласила важноста на процесот“.
Кремљ, исто така, го поздрави предлогот на Ватикан, но конечната одлука за локацијата сè уште не е донесена, изјави портпаролот Дмитриј Песков.
„Тоа е само една од опциите за можни идни контакти“, додаде тој.
Но, Трамп предупреди дека САД може целосно да се повлечат од учеството доколку нема видлив напредок во преговорите за прекин на огнот.
„Ова не е моја војна“, рече Трамп. „Само се обидувам да помогнам.“
На прашањето дали има „црвена линија“ што би го натерало целосно да се повлече од процесот, тој одговори:
„Да, во мојата глава – но нема да го објавам.“
И додаде: „Да, дефинитивно имам.“