Свет

Трамп (пак) објави дека ја завршил војната со Иран!?

Портпаролот на иранското Министерство за надворешни работи изјави дека извештаите за конечен договор се „шпекулативни“ и дека „сè уште ништо не е финализирано“

2 минути за читање

Американскиот претседател Доналд Трамп објави дека САД и Иран се блиску до потпишување договор што треба да ја заврши војната на Блискиот Исток.

Трамп ја сподели веста за прекин на непријателствата за време на телефонски разговор со политичките сојузници, повторувајќи дека ја постигнал својата клучна цел во надворешната политика.

„Не знам дали слушнавте, но денес ја завршивме војната со Иран“, рече Трамп.

„Тие се согласија никогаш да немаат нуклеарно оружје, што е нешто на што инсистиравме; тоа беше целата поента. Тоа беше 95 проценти од тоа.“

Си-Ен-Ен му изброи: Трамп 37 пати најави крај на војната со Иран

Додека Трамп ветуваше брз крај на конфликтот и формална церемонија на потпишување во Европа овој викенд, Техеран беше многу повоздржан.

Портпаролот на иранското Министерство за надворешни работи, Есмаил Багаеи, изјави на државната телевизија дека извештаите за конечен договор се „шпекулативни“ и дека „сè уште ништо не е финализирано“.

Багаеи потврди дека голем дел од текстот на меморандумот е договорен, но го обвини Вашингтон дека поставува „прекумерни барања“ и „нови услови“ во последен момент, нагласувајќи дека Иран нема да отстапи од своите „црвени линии“.

Поврзани теми:

војна|топ|трамп|Иран|крај

Повеќе на оваа тема:

Најнови вести од: Свет

Кој ќе биде „газда“ на Гренланд?

Се очекува, Трамп да потпише договор чија цел е зголемување на военото присуство на САД на Гренланд и ограничување на присуството на геополитичките противници. Претставнициуте на Данска и на Гренланд се надеваат дека договорот ќе стави крај на претходните изјави на Трамп во кои тој сугерираше дека би можел да го преземе Гренланд со сила

(Видео): Отишол на училиште со ловџиска пушка и пукал – во Турција има ранети, напаѓачот е приведен

На социјалните мрежи се појавија првите видео снимки од напаѓачот кој со ловџиска пушка отвори оган во училиштето „Инчи Узмез“ во Маниса, на западот од Турција. Во инцидентот, според непотврдени информации, се повредени најмалку осум ученици, од кои еден е во критична состојба.
Сите вести од Свет

Најнови вести

To top