„Немам краен рок. Мојот краен рок е кога ќе заврши војната, и се надевам дека ќе заврши“, изјави американскиот претседател според кој САД немаат краен рок кога треба да заврши војната во Украина.
Специјалниот претставник на американскиот претседател Доналд Трамп, Стив Виткоф, ќе пристигне во Москва во денеска, објави Си-Ен-Ен вчера, повикувајќи се на анонимен американски функционер.
Портпаролот на Кремљ, Дмитриј Песков, изјави во петокот дека средбата меѓу рускиот претседател Владимир Путин, Виткоф и зетот на Трамп, Џаред Кушнер, ќе се одржи во првата половина од следната недела, без да го открие точниот датум.
Пред една недела, „Фајненшл тајмс“, „Вашингтон пост“ и „Блумберг“, повикувајќи се на извори, објавија дека бројот на точки во мировниот план развиен од САД е намален од 28 на 19 како резултат на разговорите во Женева.
„Волстрит џурнал“ откри, повикувајќи се на неименуван функционер на американската администрација, дека на украинско-американските разговори во Флорида се дискутира, меѓу другото, „можноста за размена на територии меѓу Украина и Русија“.