Американскиот претседател Доналд Трамп изјави дека одлучил да не го бомбардира Иран.
„Никој не ме убеди. Јас се убедив себеси“, рече американскиот претседател, откако иранските власти се откажале од намерата да обесат 800 демонстранти.
„Тие (иранските власти – н.з..) вчера ќе обесеа над 800 луѓе и имам големо почитување за фактот што го откажаа тоа“, додаде тој.
Се очекуваше САД да го нападнат Иран ноќта во четвртокот кон петокот.
Во изминатите неколку дена, Трамп ги охрабруваше демонстрантите дека „помошта е на пат“.
Запрашан дали барањето за помош е сè уште релевантно, Трамп рече: „Ќе видиме“.
Изворите на „Блумберг“ наведуваат дека претседателот претходно разговарал со израелскиот премиер Бенјамин Нетанјаху, кој побарал одложување на акцијата за да му се даде на Израел време за подготовка во случај на иранска одмазда.
Според израелски претставници, САД сè уште го задржуваат планот за напад врз безбедносни цели во Иран, иако операцијата моментално е замрзната. Американските функционери предупредуваат дека интервенцијата и понатаму останува „на маса“ доколку Иран продолжи со насилства врз демонстрантите.
Reporter: Did Arab and Israeli officials convince you to not strike Iran?
Trump: Nobody convinced me. I convinced myself. pic.twitter.com/CvPQACXyIm
— Clash Report (@clashreport) January 16, 2026