Кремљ потврди дека утре ќе се одржи телефонски разговор меѓу Владимир Путин и Доналд Трамп.
„Разговорите се подготвуваат“, изјави портпаролот на Кремљ, Дмитриј Песков, јавија руски новински агенции.
Претходно, Трамп објави на платформата Truth Social дека ќе разговара со Путин по телефон во понеделник, а потоа и со Зеленски.
„Тема на разговорот ќе биде да се запре крвопролевањето во кое просечно убиваат 5.000 руски и украински војници неделно, како и трговијата“, напиша Трамп на својата мрежа Truth Social.
Тој додаде дека потоа ќе разговара со украинскиот претседател Володимир Зеленски и одредени членки на НАТО.
„Се надевам дека ќе биде продуктивен ден, дека ќе има примирје и дека оваа насилна војна, војна што никогаш не требаше да се води, ќе заврши“, напиша Трамп.