Белата куќа објави дека воведува царина од 50% за широк спектар на стоки со потекло од Канада. Одлуката дополнително ги влошува односите меѓу двете земји, кои се меѓу најголемите трговски партнери во светот.
Санкциите ќе влијаат на канадскиот увоз во вредност од околу 20 милијарди долари. Новите царини треба да стапат во сила на 19 август, еден месец откако претседателот Доналд Трамп ќе ја потпише наредбата.
Скокот на царините ќе влијае на многу индустрии – од производство на цемент до вино и стапови за хокеј.
Мерката е одговор на „нееднаквите и дискриминаторски“ трговски практики од страна на Канада, особено во автомобилскиот сектор, објаснува Вашингтон.
Ова е нова ескалација на трговскиот конфликт меѓу двете северноамерикански земји.
Канадскиот премиер Марк Карни го нарече потеготпрекршување на трговскиот договор меѓу Канада, САД и Мексико, но рече дека Отава е подготвена да ги продолжи разговорите со Вашингтон за да се најде решение.