Свет

Венецуела: Колонијалистичка закана е објавата на Трамп за затворање на воздушниот простор

Венецуелската Влада ги оцени коментарите на Трамп како „екстравагантна, нелегална и неоправдана агресија“ против суверенитетот на Венецуела

Колонијалистичка закана против суверенитетот на земјата – вака Владата на Венецуела ја оцени изјавата на американскиот претседател Доналд Трамп кој кажа дека воздушниот простор над и околу земјата треба да се смета за целосно затворен. Според венецуелските власти, најавите на САД се некомпатибилни со меѓународното право.

Во соопштение од министерот за надворешни работи Иван Гил Пинто, венецуелската Влада ги оцени коментарите на Трамп како „екстравагантна, нелегална и неоправдана агресија“ против суверенитетот на Венецуела.

Вчера Трамп на социјалната мрежа Трут соушл објави дека воздушниот простор над Венецуела ќе се смета за затворен.

„До сите авиокомпании, пилоти, трговци со дрога и луѓе, ве молиме, сметајте го воздушниот простор над и околу Венецуела за целосно затворен“, објави Трамп.

Тој не понуди никакви дополнителни детали во својата објава, што предизвика неизвесност во Каракас со оглед на засилениот притисок од Вашингтон врз претседателот Николас Мадуро во последните недели.

Објавата на Трамп, како што пренесуваат светските медиуми, ја изненади дури и самата американска администрација. Службениците контактирани од Ројтерс изјавиле дека не се свесни за никакви воени операции за затворање на венецуелскиот воздушен простор. Дополнително појаснување немаше ниту од Пентагон, ниту од Белата куќа.

 

 

 

 

Најнови вести од: Свет

Трамп објави кои му се пријатели!

Истовремено објави две фотографии — на едната се прикажани Јосиф Сталин, Френклин Делано Рузвелт и Винстон Черчил како седат на веранда, а на другата се Путин, Си и Трамп како позираат стоејќи — и пропратен со натписот: „Големите сили — 1945, 2026“

Aмериканските технолошки акции потонаа – најлоша недела од кризата со Kовид-19

Инвеститорите повеќе не предвидуваат целосно зголемување од четвртина поен на состанокот на Федералните резерви во декември, неколку дена откако гувернерот Кристофер Волер шпекулираше дека централната банка би можела да испорача џамбо зголемување од 0,5 процентни поени.

Трамп: Путин по грешка испрати „неколку мали ракети“ во Полска

Трамп изјави дека „не може ништо да стори“ во врска со фактот што полскиот премиер Доналд Туск неодамна јавно изрази револт поради пријателскиот однос на американскиот претседател кон рускиот претседател

To top