Посетителите на Соединетите Американски Држави ќе бидат обврзани да платат такса (visa integrity fee) според одредба од неодамна донесениот „Голем убав закон“ на администрацијата на Трамп, објави Си-Ен-Би-Си
Дополнителната такса се однесува на сите посетители со неимигрантски визи за влез во земјата и не може да бидат ослободени од неа.
Сепак, патниците можат да добијат поврат на средствата, според одредбата.
Деталите за новиот услов се оскудни, што доведе до забуна, изјави портпарол на Американската туристичка асоцијација за CNBC Travel.
Таксата ќе биде најмалку 250 долари во фискалната 2025 година на САД, која трае од 1 октомври 2024 година до 30 септември 2025 година.
Но, секретарот за внатрешна безбедност има право да одреди повисока такса…која потоа ќе се прилагоди на инфлацијата.
Се плаќа во моментот кога се издава визата.
Ова значи дека на посетителите чии апликации за виза се одбиени нема да им се наплаќа.
Новата такса е „дополнителна“ на веќе постоечките други такси, вклучувајќи ги и редовните такси за виза.