Свет

Зеленски посакува тристрана средба со Трамп и Путин

Во објава на социјалните мрежи, Зеленски ги истакна главните приоритети на таквата средба

Украинскиот претседател Володимир Зеленски ги коментираше извештаите за можна средба меѓу претседателите на САД и Русија, по што би следеле можни трилатерални разговори на највисоко ниво.

Имено, вчера, два извори изјавија за „Њујорк тајмс“ дека Трамп има намера да се сретне лично со Путин следната недела, а потоа да организира трипартитен состанок со украинскиот претседател Володимир Зеленски.

Во својата објава на социјалните мрежи, Зеленски ги истакна главните приоритети што ги поставува Украина во контекст на таква иницијатива.

„Важно е да се разговара за клучните детали. Приоритетите се целосно јасни“, рече украинскиот шеф на државата.

„Прво, крај на убиствата, а Русија е таа што мора да го направи овој чекор и да прекине огнот.

Второ, создавање соодветен формат за средба на лидери што би помогнало да се постигне вистински одржлив мир“.

Tрет приоритет, за Зеленски е обезбедување долгорочна безбедност за Украина, што, според него, може да се постигне само во соработка со САД и Европа.

Порано стана јасно дека претседателот на Украина имал телефонски разговор со Доналд Трамп.

Очекувањата за можна трилатерална средба меѓу Трамп, Путин и Зеленски означуваат потенцијална нова фаза во дипломатските напори за завршување на војната во Украина.

 

Најнови вести од: Свет

Речиси половина од Германците се за укинување на помошта за Украина

Дури 49 отсто, сакаат да се намали или целосно да се укине помошта за Украина, покажуваат резултатите од анкетата што денеска ги објави агенцијата за истражување на јавното мислење „Југов“, спроведена за германскиот неделник „Велт ам Зонтаг“

Трамп објави кои му се пријатели!

Истовремено објави две фотографии — на едната се прикажани Јосиф Сталин, Френклин Делано Рузвелт и Винстон Черчил како седат на веранда, а на другата се Путин, Си и Трамп како позираат стоејќи — и пропратен со натписот: „Големите сили — 1945, 2026“

Aмериканските технолошки акции потонаа – најлоша недела од кризата со Kовид-19

Инвеститорите повеќе не предвидуваат целосно зголемување од четвртина поен на состанокот на Федералните резерви во декември, неколку дена откако гувернерот Кристофер Волер шпекулираше дека централната банка би можела да испорача џамбо зголемување од 0,5 процентни поени.

Најнови вести

To top