Свет

Зеленски: Со посредство на САД, војната може да заврши до идното лето

Меѓу идеите се прекин на огнот и претходно дискутираниот предлог на САД за создавање слободна економска зона во Донбас, која би била управувана од трета страна, изјави украинскиот претседател

 

Киев подготви документ со идеи заедно со претставници на САД и Европа, кој ќе биде презентиран на Москва. Ова го изјави украинскиот претседател Володимир Зеленски, цитиран од Ројтерс.

Тој посочи дека меѓу идеите во документот се прекин на огнот и претходно дискутираниот предлог на САД за создавање слободна економска зона во Донбас, која би била управувана од трета страна.

Украинскиот шеф на државата гледа можност за завршување на речиси четири и пол години борби до крајот на летото 2027 година, со оглед на претстојната кампања за претседателските избори во САД во 2028 година.

Порано овој месец, Зеленски објави дека Украина им доставила на американските преговарачи предлози за план за завршување на војната, без да даде детали.

Мировните преговори предводени од САД пропаднаа претходно оваа година откако Украина ги отфрли руските барања за отстапување територија, а вниманието на Вашингтон се повеќе се насочува кон конфликтот со Иран.

Американските преговарачи Стив Виткоф и Џаред Кушнер последен пат ја посетија Москва во јануари, но сè уште не го посетиле Киев.

Зеленски нагласи дека третиот елемент од нацрт-предлогот е улогата што би ја играле Европската Унија и НАТО, како и што „Украина е подготвена да направи за да го постигне тоа“.

Русија вели дека е подготвена да слушне нови предлози за решавање на конфликтот во Украина, но вели дека тие мора да ги одразуваат „реалностите на терен“. Главната цел на Москва е да го преземе остатокот од Донбас.

Најнови вести од: Свет

Речиси половина од Германците се за укинување на помошта за Украина

Дури 49 отсто, сакаат да се намали или целосно да се укине помошта за Украина, покажуваат резултатите од анкетата што денеска ги објави агенцијата за истражување на јавното мислење „Југов“, спроведена за германскиот неделник „Велт ам Зонтаг“

Трамп објави кои му се пријатели!

Истовремено објави две фотографии — на едната се прикажани Јосиф Сталин, Френклин Делано Рузвелт и Винстон Черчил како седат на веранда, а на другата се Путин, Си и Трамп како позираат стоејќи — и пропратен со натписот: „Големите сили — 1945, 2026“

Aмериканските технолошки акции потонаа – најлоша недела од кризата со Kовид-19

Инвеститорите повеќе не предвидуваат целосно зголемување од четвртина поен на состанокот на Федералните резерви во декември, неколку дена откако гувернерот Кристофер Волер шпекулираше дека централната банка би можела да испорача џамбо зголемување од 0,5 процентни поени.

Најнови вести

To top