Тема: Премиер Христијан Мицкоски

Мицкоски: По изборот на јавниот обвинител ќе влезат во процедура многу предмети, чувани во фиока, и јавноста ќе види како владееја СДСМ и ДУИ!

Одговарајќи на пратеничко прашање, Мицкоски денес на собраниската говорница рече рече дека очекува со промените во Обвинителството голем број граѓани да се охрабрат и јавно да прозборат што сѐ доживеале за време на претходната влада.

Мицкоски: Ако треба да падне Владата, поради „Безбеден град“, подготвен сум на тој ризик

Претседателот на Владата, Христијан Мицкоски вечерва на гостувањето во „Клик Плус“ на ТВ21, зборувајќи за проектот „Безбеден град“, истакна дека е подготвен да понесе ризик дури и да падне владата за проектот.

Мицкоски: 450 камиони од Македонија не може да ја загрозат европската економија, ЕУ треба да покаже дека стои зад своите партнери и да ја повлече одлуката

„450 камиони од Македонија не може да ја загрозат европската економија, ЕУ треба да покаже вистински како седи зад своите партнери и да ја повлече одлуката, за што е оптимист“, порача премиерот Христијан Мицкоски во гостувањето на ТВ21.

Мицкоски: Целта на синдикатите не е повисоки плати, туку да ѝ наштетат на Владата, не се борат за работнички права!

Секој има право да протестира, рече вечерва премиерот Христијан Мицкоски во врска со утрешниот протест на дел од синдикалните организации. Тој посочи дека нема ништо против повисоки примања, но смета дека целта на синдикатите е политичка пресметка, а не повисоки плати за работниците.Секој треба да добие повисоки примања, тука нема дилема, ниту пак некој има спротивно мислење, но тоа кое што треба да се каже е фактот дека неколкумина од водството на овој синдикат се апсолутно заробени од страна на одредени политички амбиции и политички фигури, нагласи Мицкоски

Мицкоски: СДСМ и ДУИ ѝ врзаа јамка на државата и сега мудруваат, за следните 3 години треба да вратиме долгови од 6 милијарди евра!

Претседателот на Владата, Христијан Мицкоски во гостување на „Клик Плус“ на ТВ21, истакна дека македонските граѓани треба да ја знаат вистината, затоа што СДСМ и ДУИ и врзаа јамка на државата, а сега мудруваат, односно дека заради нивните долгови, оваа влада треба следните 3 години да врати претходни долгови во вредности од еден државен буџет од околу 6 милијарди евра.

Мицкоски: Кога соседите се почитуваат, кога културите се среќаваат и се надополнуваат, се отвораат нови можности и заеднички хоризонти

„Вечерва бев на Светосавската свечена академија, на настан кој со својата духовна и културна димензија нѐ потсетува на трајните вредности што нѐ поврзуваат. Денешниот ден посветен на светителот Сава ги истакнува просветата и духовното единство на српскиот народ, вклучително и на граѓаните кои живеат тука во Македонија, но во исто време е еден од камен темелниците на балканското духовно и културно наследство заедно со светлите ликови и датуми на останатите балкански народи.“ – објави премиерот Христијан Мицкоски преку објава на „Фејсбук“.

Мицкоски: Со реконструкција на булеварот „Теодосија Паунов“ во Кочани граѓаните ќе добијат современа сообраќајна артерија

Со инвестиција од 88.9 милиони денари, финансирана од Владата преку Министерството за транспорт, Општина Кочани ја реализира реконструкцијата на булеварот „Теодосија Паунов“, кој опфаќа дел од потегот од спојот со улицата „Киро Кикенски“ до спојот со улицата „Генерал Апостолски“, односно последниот кружен тек. Вкупната должина на булеварот кој е предмет на овој проект изнесува 2.015 метри, објави на социјалните мрежи премиерот Христијан Мицкоски.

Мицкоски: „Безбеден град“ почнува од 1 февруари – Во рамки на редовни средби со лидери на партии ќе се сретнам и со Ахмети

Премиерот Христијан Мицкоски информира дека вчера во Собранието се одржал состанок на ниво на координаторите на пратеничките групи на ВМРО-ДПМНЕ и ДУИ во врска со законот за прекршоци и оти некои работи, кои биле нејасни за ДУИ, биле разјаснети поради што очекува тој да биде донесен на следната собраниска седница и „Безбеден град“ да почне непречено да се применува од 1 февруари. Мицкоски не прецизира кога би имал средба со претседателот на ДУИ, Али Ахмети, како што беше најавено по лидерската средба во средата, туку само изјави дека одржува средби со лидерите на повеќе политички партии и оти во тие рамки би се одржала и средбата со Ахмети.

Мицкоски: Блиску сме до договор со сериозни инвеститори да стане Попова Шапка најубавиот зимски центар во овој дел од Европа!

Во врска со неовластените градби во овој скијачки центар премиерот Христијан Мицкоски предупреди дека нема да биде донесен закон за легализирање на објектите. „Ако зборувате за дивоградба и ако размислувате за закон за легализација на дивоградбата, ние немаме такви цели, ниту планираме да размислуваме во таа насока. Не треба да се гради дивоградба, бидејќи државата има механизми да го спречи ова“, додаде Мицкоски.

Мицкоски: Железницата ја враќаме на шините на развојот, со вложувања во набавка на електрични локомотиви!

„Преку Договорот за стратешко партнерство со Велика Британија обезбедени се пари за капитални проекти, со кои ја поставуваме железницата таму каде што и е местото – како клучна врска меѓу Балканот и Европа. Ова не се изолирани проекти. Ова е системска обнова на железничкиот сектор, инвестиција во економијата, во екологијата и во европската иднина на државата. Железницата повторно ја враќаме на шините на развојот – со план, со одговорност и со јасна визија за модерна, поврзана и силна Македонија.“ – истакна премиерот Христијан Мицкоски пред потпишувањето на Договорот за заем со ЕБОР вреден 20,9 милиони евра. со кој е предвидена набавка на електрични локомотиви за ЖРСМ Транспорт.

Владата ќе го поддржи секој договор меѓу работодавачите и работниците за минималната плата

„Нам како на нас како Влада ни одговара зголемување на минималната плата, бидејќи ќе имаме поголеми приходи во буџетот. Ние сме работодавач на 100 илјади вработени, а државата има 705 илјади  вработени. Значи тие 600 илјади ќе дојдат кај нас. Ако гледаме себично, тогаш можеме да кажеме од утре да се зголеми, но ние сме Влада, која во рамки на социјалниот дијалог посредува меѓу работодавачите и работниците. Ни е како Влада ќе го поддржиме секој договор, што ќе го постигнат. “ – нагласи премиерот Христијан Мицкоски по посетата на Универзитетска клиника за гинекологија и акушерство при Клиничкиот центар „Мајка Тереза“.

Најнови вести

To top