Македонија

АНБ: Криминални структури подготвувале атентат во соседна земја

Станува збор за лица етаблирани во криминални структури во земјава кои по директни насоки на иранскиот државјанин преземаат подготвителни логистички активности за извршување на терористички акт, атентат врз претходно дефинирано лице, во Грција

Директорот на Агенцијата за национална безбедност, Бојан Христовски соопшти дека биле откриени криминални структури од Македонија, кои по директни насоки на ирански државјанин поврзан со разузнавачки мрежи на Иран, преземале подготвителни и логистички активности за извршување терористички акт.

Откривајќи детали од операцијата што траела околудевет до десет месеци, Христовскиоткри дека тие  подготвувале атентат врз однапред определено лице во Грција.

Според Христовски, АНБ презела оперативно-технички и аналитички активности за разоткривање мрежа во Македонија поврзана со иранскиот државјанин Едрис Јахангири Маванех.

„Во однос на македонската мрежа, станува збор за лица етаблирани во криминални структури во земјава кои по директни насоки на иранскиот државјанин преземаат подготвителни логистички активности за извршување на терористички акт, атентат врз претходно дефинирано лице, таргет лоциран во Грција“, изјави Христовски.

Тој посочи дека Маванех е поврзан со други лица од интерес за безбедносните служби, меѓу кои и иранскиот наркобос Наџи Шарифи Зинташки.

Според информациите на АНБ, Маванех располага со широка мрежа на посредници и контакти, а постојат индиции дека многу веројатно соработува со иранските безбедносно-разузнавачки служби. објави Скопје1.мк

Најнови вести од: Македонија

Сиљановска-Давкова: Без слободни медиуми нема информирани граѓани, а без тоа демократијата ризикува да се претвори во празна форма

Новинарството не смее да биде ниту продолжена рака на владата ниту нејзин однапред определен противник, туку мора да ја преиспитува секоја форма на моќ, порача денеска претседателката на Македонија

Костадиновски: Изградбата на правна држава во која владеат правото, правдата и еднаквоста е обврска на секоја генерација

Да бидеме генерација која со своите дела ќе ја потврди својата верност кон Уставот и ќе придонесе за изградба на слободна, демократска и просперитетна држава“, се додава во честитката од претседателот Костадиновски до сите граѓани по повод Денот на Уставот“

Панел-дискусии во Собранието на Република Македонија

Поздравни обраќања ќе имаат претседателката на Република Македонија, проф. д-р Гордана Сиљановска-Давкова, претседателот на Собранието, Африм Гаши, директорот на Државниот архив на Република Македонија, м-р Димитар Богески и директорот на ЈНУ Институт за национална историја, проф. д-р Митко Панов.

To top