Свет

Речиси половина од Германците се за укинување на помошта за Украина

Дури 49 отсто, сакаат да се намали или целосно да се укине помошта за Украина, покажуваат резултатите од анкетата што денеска ги објави агенцијата за истражување на јавното мислење „Југов“, спроведена за германскиот неделник „Велт ам Зонтаг“

Германија ѝ обезбедува на Украина помош во вредност од милијарди евра, но јавното мислење во земјата е поделено, покажува истражувањето.

Речиси секој втор испитаник смета дека германскиот канцелар Фридрих Мерц треба „што поскоро“ да разговара со рускиот претседател Владимир Путин, дури и ако Русија претходно не направи никакви отстапки во војната во Украина, покажува анкетата на „Југов“.

Анкетатат покажува дека околу 39 отсто од анкетираните сметаат дека поддршката треба да остане на сегашното ниво или да се зголеми.

Секој четврти испитаник смета дека помошта треба целосно да се укине, додека 24 отсто се залагаат за нејзино намалување.

Околу 30 отсто сакаат таа да остане непроменета, а девет отсто би ја зголемиле, објави „Југов“. Помошта опфаќа финансиска поддршка, испорака на оружје и хуманитарна помош.

Поддршката за Украина е најсилна меѓу гласачите на партијата на Зелените.

Меѓу гласачите на крајнодесничарската Алтернатива за Германија (АфД), мнозинството од 62 отсто сметаат дека помошта треба целосно да се укине, додека 27 отсто се залагаат за нејзино намалување.

Гласачите на конзервативниот блок, Социјалдемократската партија и партијата Левица се наоѓаат некаде меѓу овие ставови.

Резултатите покажуваат дека поддршката за помошта е особено силна кај најмладата возрасна група, од 18 до 29 години, како и кај лицата постари од 70 години.

 

Најнови вести од: Свет

Трамп објави кои му се пријатели!

Истовремено објави две фотографии — на едната се прикажани Јосиф Сталин, Френклин Делано Рузвелт и Винстон Черчил како седат на веранда, а на другата се Путин, Си и Трамп како позираат стоејќи — и пропратен со натписот: „Големите сили — 1945, 2026“

Aмериканските технолошки акции потонаа – најлоша недела од кризата со Kовид-19

Инвеститорите повеќе не предвидуваат целосно зголемување од четвртина поен на состанокот на Федералните резерви во декември, неколку дена откако гувернерот Кристофер Волер шпекулираше дека централната банка би можела да испорача џамбо зголемување од 0,5 процентни поени.

Трамп: Путин по грешка испрати „неколку мали ракети“ во Полска

Трамп изјави дека „не може ништо да стори“ во врска со фактот што полскиот премиер Доналд Туск неодамна јавно изрази револт поради пријателскиот однос на американскиот претседател кон рускиот претседател

To top