Германија во 2024 година забележа нов рекорд во бројот на регистрирани автомобили и стапката на моторизација, според официјалните податоци на статистичка служба Дестатис. Овие бројки ја истакнуваат континуираната тенденција на зголемување на возилата низ целата земја.
Во 2024 година, во Германија се регистрирани 49,3 милиони автомобили, а според податоците на германската статистичка служба Дестатис, земјата достигна рекордна стапка на моторизација од 590 патнички автомобили на 1.000 жители.
Според анализата на германската новинска агенција ДПА, базирана на податоците на Дестатис објавени оваа недела, во 2023 година стапката на моторизација изнесувала 588 автомобили на 1.000 жители, додека во 2022 година била 587 автомобили на 1.000 жители.
Највисока стапка на моторизација е забележана во сојузната покраина Сарланд, со 646 автомобили на 1.000 жители, следена од Рајнска област-Пфалц со 641 и Баварија со 635 автомобили на 1.000 жители.
Најниски стапки на моторизација се регистрирани во сојузните покраини Берлин (334), Бремен (427) и Хамбург (435).
Во споредба со 2023 година, стапката на моторизација порасна во повеќето германски покраини. Во Баварија остана на исто ниво, додека во Берлин, Бремен, Хамбург и Хесен е забележано намалување. Во Хесен, стапката паднала минимално, од 623 на 622 автомобили на 1.000 жители.
Според податоците, стапката на моторизација во Германија континуирано расте од 2008 година.
Вкупниот број на регистрирани патнички автомобили во земјата, исто така, достигна нов рекорд, со 49,3 милиони возила на 1 јануари