Македонија

Министерот Алиу се сретна со Кедев за наводите „интервенции за профит“

Дали одредени приватни болници се изведувале непотребни кардиохируршки интервенции кај пациенти, информираат од Министерството за здравство

Министерот за здравство, д-р Азир Алиу, денеска оствари средба со д-р Сашко Кедев, на која беа разменети информации во врска со наводите дека во одредени приватни болници се изведувале непотребни кардиохируршки интервенции кај пациенти, информираат од Министерството за здравство.

На средбата, министерот Алиу потсетил дека до сите приватни здравствени установи ќе биде испратен официјален допис, со кој тие се задолжуваат од 15 септември редовно да го информираат Министерството за здравство, односно Управата за електронско здравство, за сите извршени прегледи и интервенции.

Од Министерството нагласуваат дека остануваат отворени за соработка со сите чинители во здравствениот систем и ги повикуваат граѓаните, пациентите и институциите кои располагаат со информации за евентуални неправилности, веднаш да ги пријават.

„Транспарентноста е еден од главните столбови во работата на Министерството за здравство и е од клучно значење за унапредување на процесите во системот,“ стои во соопштението.

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

Охриѓани со порака: Насилството не е проблем на една личност, тоа е заеднички проблем

Љупчo Ѓорѓиески, таткото на 26-годишна Сара Ѓорѓиеска која нејзиното момче Кристијан Корабоски на 15 ноември ја претепа до бесознание и ја остави на улица во Охрид, денеска со нејзина фотографија на која ѝ се гледаат модрици по лицето се приклучи на охридскиот протест против насилството врз жените и фемицид.

To top