По повод денешниот празник 8 Септември, Стојанче Ангелов објави малку поинаква честитка, осврнувајќи се на воениот конфликт од 2001 година.
„Она за кое македонските револуционери, комити и партизани, се бореа со оружје, македонскиот народ, во 1991 година, го заокружи со пенкало, гласајќи за самостојна и независна македонска држава. Десет години подоцна, ние, македонските бранители, го одбранивме територијалниот интегритет и суверенитет на нашата татковина Македонија.
Нека ни е честит 8-ми септември, Ден на македонската независност!“, напиша тој.
