Хрватскиот претседател вели дека Европа не е држава и дека никогаш нема да биде тоа, мислејќи притоа, веројатно, на Европската унија..
„Разликите меѓу Португалија и Финска се неописливи, треба да се измисли посебен јазик за да се опишат овие разлики и никогаш не може да биде нација и никогаш не може да биде една држава и, колку и да „тупат“ бирократите, нека се олабават малку затоа што Хрватска е Хрватска, Австрија е Австрија, Унгарија е Унгарија“, рече Милановиќ.
Претседателот се осврна и на средствата од европските фондови за време на посета на неколку места на северот од Хрватска.
„Ова се наши пари. Како држава, дадовме и отстапивме многу од нашето природно, првобитно државно право да бидеме членка на Европската Унија.
Ние веќе воопшто не водиме многу политики и тоа во суштина не е добро, но во некаков баланс на придобивки и, нема да кажам штета, туку негативност, таа корист сепак ја надминува“, рече претседателот.