Повеќе од 10.000 воени лица, околу 2.500 парчиња оружје и воена опрема, над 600 возила, 70 авиони и 20 пловни средства беа претставени на воената парада „Силата на единството“ во Белград.
Српскиот претседател Александар Вучиќ изјави дека Србија сака мир, но знае и како да ја заштити својата територија.
„Ова е гордоста на Србија. Работевме на тоа заедно, војници и граѓани, државата и народот. Ова е и опстанок и победа на Србија, која сака мир и просперитет и знае како да го зачува своето достоинство, својата територија и својата иднина. Ова е нашата сила. Силата на единството“, нагласи Вучиќ во својата објава на Инстаграм.
Одлуката за одржување на парадата беше донесена уште во јануари, изјави претходно денес министерот за одбрана Братислав Гашиќ пред српската државна телевизија РТС.
„Деведесет проценти од прикажаната опрема е нова, а на парадата учествуваа сите видови војници на Србија“, рече Гашиќ.
Меѓу првите единици борбена опрема, прикажани на парадата, беа оклопните борбени машини „Лазар 3“, „Милош“ и „Хамер“, по што следеа противвоздушниот систем и камиказе беспилотните летала „Сенка 25“ и „Сенка 50“.
Потоа беа прикажани ракетниот систем „Пулс“ со дострел до 300 километри и руското оружје „Красуха“ – системот за електронско војување и попречување на авиони. Двата система беа набавени во 2022 година.
Видеото од парадата на линкот.