Маж прогласен за мртов се појави на гласачко место во Пловдив во денешниот втор круг од изборите за претседател на Бугарија.
На изненадување на членовите на изборната комисија, гласачот што се појавил во избирачкиот список бил заведен како починат, објави бугарската телевизија Нова.
Се испоставило дека станува збор за техничка грешка настаната во периодот помеѓу првиот и вториот круг од гласањето. Во списоците за вториот круг имало ознаки за гласачи кои починале во меѓувреме, односно во периодот меѓу двата круга. Настанало помешување кај лица кои имаат исто име и презиме.
Откако приложил документ за идентификација и потврдил дека навистина станува збор за лицето наведено во списокот, на човекот му било дозволено да гласа.