Илон Маск објави на неговата социјална мреќа “X“ дека не зема дрога, еден ден откако Њујорк Тајмс објави дека за време на изборната кампања, поранешниот соработник на Доналд Трамп земал значителни количини кетамин, екстази и халуциногени печурки.
„Да бидам јасен, НЕ земам дрога! Њујорк Тајмс лаже.
Пред неколку години користев кетамин на рецепт и објавив за тоа на X, така што ова не е ништо ново. Оттогаш не сум го земал“, напиша најбогатиот човек во светот.
Во својот напис од петок, Њујорк Тајмс објави дека Маск консумирал значителни количини кетамин, анестетик со стимулирачки ефекти, екстази и халуциногени печурки за време на изборната кампања.