На барање на групата на ЕНП, поддржано од сите бугарски европратеници, известувачот Томас Вајц побара и доби одложување на гласањето во Комитетот за надворешни работи на ЕП за долгоочекуваниот годишен извештај за напредокот на Македонија во Скопјe за 24 јуни, пишува бугарскиот весник Сега
Во писмо до своите колеги, бугарските европратеници изразуваат сомнежи во интегритетот на извештајот и пријавуваат неправилности, вклучувајќи неовластено и предвремено протекување на внатрешни парламентарни информации, клучни елементи од нацрт-документот и компромисни амандмани до службениците во Скопјe.
Пример е изјавата на премиерот на Северна Македонија, Кристијан Мицковски, од 1 јуни, дека однапред бил многу детално запознаен со извештајот, пишува Сега.
Барањето (за одлагање на извештајот) било од известувачот во сенка Ивајло Валчев и било испратено само до известувачите во сенка, советниците што работат на досието и секретаријатот на Комисијата за надворешни работи (AFET), но помалку од 24 часа подоцна, македонскиот премиер Мицкоски беше информиран за барањето.
Тврдењето на Мицкоски дека неговата влада работела на овој извештај 11 месеци заедно со известувачот за да постигне толку позитивен резултат за нив е исто боло вознемирувачко.
„Овие откритија, направени пред завршувањето на преговорите меѓу известувачите во сенка, укажуваат на континуирано и структурирано протекување на информации или, уште полошо, на нарушување на безбедноста на серверите на ЕП и е-поштата на персоналот од страна на трети земји.
Покрај одложувањето на гласањето за извештајот во Комитетот за надворешни работи и на пленарна седница, европратениците инсистираат Парламентот да спроведе внатрешна истрага за евентуално кршење на внатрешните процедури со цел да се утврди изворот и обемот на протекувањето на информациите. Европратениците, исто така, инсистираат периодот на одложување да се искористи за повторно преговарање за спорните текстови.
Одложено гласањето за нацрт извештајот во ЕП за Македонија за 24 јуни