Шефот на крилото на Алијанса за Албанците дел од Европскиот фронт, Зијадин Села рече дека барањата на неговата партија треба да се третираат со достоинство и меѓусебно почитување во контекст на одредувањето на кандидатите за градоначалници на локалните избори.
Села вели дека разговорите продолжуваат во рамките на коалицијата, но дека според него, природно е неговата АА да дадд кандидат за градоначалник на Струга.
„Секако дека Струга треба да припаѓа на АА и за ова не треба ни да се дискутира, бидејќи во спротивно какво значење би имала Алијанса во рамките на Фронтот.
Затоа, за ова не се ни дискутира, но ние сме во процес, бидејќи Европскиот фронт, покрај оваа димензија, има и друга димензија, одбрана на некои каузи што повторно се појавија. Барањата треба да се третираат со достоинство, бидејќи коалициите функционираат таму каде што има третман со почит и меѓусебно достоинство“, вели Села.
Зијадин Села беше градоначалник на Струга како како избор на Демократската партија на Албанците -ДПА по локалните во 2013-та година.
Тој ја напушти функцијата за да стане пратеник во Собранието.