Свет

Две години од крвавиот напад на Хамас врз Израел

Џихадистите убија околу 1.200 луѓе, додека повеќе од 250 луѓе беа земени како заложници во Газа

2 минути за читање

„Пред две години, Израел се соочи со најтемниот ден во својата историја. На 7 октомври 2023, палестинските џихадисти од Хамас ја нападнаа нашата земја. Тие убија, запалија и киднапираа невини мажи, жени и деца“, се вели во објавата на Израел како потсетник за втората годишнина од масакрот на Хамас во Израел..

Точно пред две години, Хамас започна координиран напад врз јужен Израел. Милитантите на Хамас и Исламски џихад ја пробија оградата што ја дели Газа од Израел, нападнаа голем број гранични населби, убија цивили, запалија куќи и киднапираа луѓе. Нападите траеја со часови, а според официјалните израелски податоци, околу 1.200 луѓе беа убиени, додека повеќе од 250 луѓе беа земени како заложници во Газа.

Израел веднаш одговори со обемни воени операции – воздушни напади, копнени операции и опсада на Појасот Газа. Во текот на двете години војна, десетици илјади Палестинци беа убиени, а стотици илјади беа раселени. Хуманитарната ситуација во Газа останува катастрофална.

Од почетокот на војната, израелската војска и безбедносните служби се соочија со жестоки критики за нивните одбранбени неуспеси и доцнење во одговорот на нападот од 7 октомври. Во интерен извештај објавен оваа година, израелската војска призна дека го потценила Хамас и не успеала да ги заштити цивилите во јужните заедници.

Денешната годишнина е одбележана со комеморации за жртвите низ целиот Израел. Во исто време, општеството останува длабоко поделено – додека некои бараат враќање на преостанатите заложници, други сè повеќе ги доведуваат во прашање политиките на владата и насоката во која војната ја води земјата.

Поврзани теми:

избор|Израел|Хамас|напад|1.200 убиени|7.10.2023

Повеќе на оваа тема:

Најнови вести од: Свет

Сијарто: ЕУ не може да си го најде местото во светот! Излез е голем европски патриотски пресврт!

На прес-конференција, што ја одржа пред неколку дена унгарскиот премиер Виктор Орбан ѝ предвиде на Европската Унија дека „ќе се распадне самата од себе“, како што нагласи, „поради „хаос во лидерството“. Како што пренесе „Еуроњуз“, Орбан сепак, ја отфрли можноста Унгарија да ја напушти ЕУ, велејќи дека „земјата нема доволно големина за да донесе таква разумна одлука“. Орбан нагласи дека иднината на Унгарија е во рамките на блокот и НАТО, но, како што посочи, со „суверена надворешна политика и економска политика“. Со своите најнови изјави шефот на унгарската дипломатија Сијарто се надоврза на Орбан, но дополнително заострувајќи го тонот кон официјален Брисел со своето тврдење дека, наводно, „ЕУ сака да ѝ наметне марионетска влада на Унгарија“ и оти „таа е веќе изолирана и изгубена во светската геополитика“.

(ВОЗНЕМИРУВАЧКО ВИДЕО18+) Иран во хаос: Над 500 загинати, болниците полни со прострелни рани

Според американска организација за човекови права, досега загинале повеќе од 500 демонстранти, додека иранските власти веќе над 72 часа ја држат земјата во речиси целосен прекин на интернетот и телефонските врски.
Сите вести од Свет

Најнови вести

To top