Македонија

Дојава за бомба: Пред седиштето на ВМРО-ДПМНЕ оставен сомнителен куфер

Дојава за бомба ги испразни зградите околу плоштадот „ВМРО“ каде е и седиштето на ВМРО-ДПМНЕ

1 минута за читање

Во попладневните часови денеска, околу 13 часот, обезбедувањето на Јавното претпријатие „Државни патишта“ пријавило сомнителна активност пред нивните канцеларии на плоштад „ВМРО“ во Скопје, каде што се наоѓа и седиштето на владејачката ВМРО-ДПМНЕ. Според Министерството за внатрешни работи (МВР), видеонадзорот ги регистрирал две лица кои го набљудувале просторот, при што едно од нив оставило куфер на местото.

Веднаш по пријавата, полициските служби реагирале брзо, преземајќи ги потребните мерки и проверки. „Денеска (08.10.2025) во 12:55 часот, пријавено е дека на видеонадзор пред канцелариите на ЈП ‘Државни патишта’ на плоштад ‘ВМРО’ во Скопје забележани се две лица кои го разгледуваат местото, а едно од нив оставило куфер. По пријавата, преземени се соодветни активности и утврдено е дека куферот бил празен“, информираа од МВР.

Инцидентот предизвикал краток момент на вознемиреност во центарот на градот, но среќата, безбедносните протоколи се активирале навреме, без да дојде до каква било опасност.

Поврзани теми:

мвр|актуелно|ВМРО-ДПМНЕ|седиште|дојава за бомба

Повеќе на оваа тема:

Најнови вести од: Македонија

Николоски: Новиот состав на ИК на ВМРО ДПМНЕ ќе ги донесе победите на следните парламентарни, претседателски и локални избори

По синоќешниот избор на новиот ИК на партијата Николоски се заблагодари за довербата, што му ја укажа премиерот и претседател на ВМРО-ДПМНЕ Христијан Мицкоски.

Партенија Зографски, македонскиот црковно-народен и јазичен деец и духовен пастир на македонскиот народ – 150 години од смртта

На денешен ден, на 7 февруари се навршуваат 150 години од смртта на Партенија Зографски, првиот македонски учебникар, филолог, еден од најистакнатите културни и црковни работници од 19 век во Македонија и прв македонски митрополит. Се пројавил и како собирач на народни умотворби и прв почнал да печати македонски народни песни. Во весникот „Ден“ бр. 7, од 14. февруари 1876 година бил објавен некролог за упокојувањето на Партенија Зографски: „По долго боледување, во ноќта меѓу 6 и 7 февруари тој се пресели во вечноста, заслужувајќи го името пастир на народот, затоа што навистина верно му служеше и сите ја познаваа добрината на тој старец… Потекнува од Галичник, и заслужува вечно споменување.“ – стои во текстот. Ова се нагласува во статија на Институтот за македонска литература, посветена на животот и делото на Партенија Зографски.

Македонското знаме се развеа на ЗОИ 26 во Италија: оптимизам во МОК и меѓу нашите олимпијци за добри резултати од настапите

Четворица спортисти ја претставуваат Република Македонија на Зимските олимписки игри 2026 во Италија. Јана Атанасовска е најмладата македонска натпреварувачка и рекордерка во алпско скијање. Ставре Јада е најискусен член на македонскиот олимписки тим, кому ова му е трето учество на Зимски олимписки игри, по настапите на Олимпијадата во 2018 година во Пјонг Чанг, во Јужна Кореја, и на Олимпијадата во 2022 година во Пекинг, во Кина. По настапот на претходната Олимпијада во Пекинг Ана Цветановска повторно ќе ја претставува Македонија во истите нордиски дисциплини. Четвртиот наш натпреварувач е Виктор Петков, кој последен влезе во државниот олимписки тим. Честа да го носат македонското државно знаме на вчерашната официјалната церемонија на отворањето на ЗОИ 2026 ја имаа Атанасовска и Јада.

Во акција на полицијата и ОЈО 40 тони марихуана запленети во складишта! – Мицкоски: Катастрофално наследство од претходната власт!

Околу 40 тони марихуана се запленети во голема полициска акција што се реализираше вчера, според извори блиски до истрагата. Владата го потврди сериозниот карактер на случајот. Премиерот во телевизиско интервју изјави дека јавноста ќе биде шокирана од бројките и дека десетици тони дрога незаконски биле пуштени во промет или сокриени во македонските складишта. „Одговорност ќе има за ваквите злоупотреби и криминални дејствија“, порача премиерот. Тој го оцени случајот како „катастрофално наследство“ од економските политики на претходната власт.

Смилевска: Ковачки е посветен на македонската кауза и несебично ѝ служи на Македонија! – Со Мицкоски ќе бидат одличен тим во градењето на иднината!

„Ја поздравувам државничката одлука на лидерот на ВМРО-ДПМНЕ Христијан Мицкоски за назначувањето на Драган Ковачки како генерален секретар на ВМРО-ДПМНЕ. Мицкоски е лидер, што не калкулира со иднината, туку ја гради со одговорност и визија. Назначувањето на Ковачки е уште една потврда за тоа.“ – објави Христина Смилевска од Унијата на жени на ВМРО ДПМНЕ на својот фејсбук-профил по вчерашното именување на Драган Ковачки, пратеник во Собранието на Република Македонија, како нов генерален секретар на ВМРО ДПМНЕ.
Сите вести од Македонија

Најнови вести

To top