Претседателот на СДСМ, Венко Филипче најави и квалитативни кадровски промени во раководството на СДСМ, кои ќе бидат објавени по завршувањето на изборниот процес.
„Ќе има политички и кадровски промени во раководството, за што јавноста ќе биде навремено известена“, истакна Филипче.
Вели дека во многу општини партијата работела во тешки услови и под притисоци.
„Имаше сериозни притисоци во сите општини каде се одвиваа избори – непосредно пред гласањето, каде што имавме градоначалници имаше финансиски контроли и нудење пари за гласови. Работевме во исклучително тешки околности“, рече тој.
Лидерот на СДСМ додаде дека иако е на чело на партијата само година и пол, резултатите покажуваат напредок и нова енергија.