Педесет и тригодишен жител на Богданци, Н.Т., починал вчера во болницата во Гевгелија по добиени тешки телесни повреди во физичка пресметка со 55-годишник од дојранското село Сретеново, со иницијали В.Р..
Како што соопшти МВР, полицијата од СВР Струмица-ОВР Гевгелија го уапсила В.Р. синоќа во 22.25 часот во Сретеново.
Претходно, во Стар Дојран настанала физичка пресметка помеѓу него и Н.Т.(53) од Богданци, кој се здобил со тешки телесни повреди и бил пренесен во Медицинскиот центар Гевгелија, каде што подоцна починал.
По наредба на јавен обвинител од ОЈО Гевгелија, телото на починатиот е дадено на обдукција.
Осомничениот е задржан во полициската станица во Гевгелија, а во текот на денот против него ќе биде поднесена соодветна пријава, информира МВР