Незаборавно доживување им овозможи Кирил Џајковски на привилегираните сведоци на неговиот концерт на филмска музика вечерва во Македонската опера и балет, кои три пати го враќаа на бис, а громогласните аплаузи и свирежите од одушевување само го потврдуваат квалитетот на споделеното со обожавателите.
Македонскиот музичар со блескава кариера (и) надвор од Македонија првпат во живо, во придружба на дел од оркестарот и хорот на МОБ и други соработници, под диригентската палка на Џијан Емин изведе легендарни музички теми со негов печат втиснат врз македонските филмови „Големата вода“ (за која доби награда за најдобра музика на Филмскиот фестивал во Валенсија, „Прашина“, „Сенки“, „Балканот не е мртов“, „Врба“, „One more game“, „Бал-кан-кан“, „Piargy“, „Трето полувреме“ итн.
Еден од најдобрите електронски музичари и композитори на Балканот во повеќе наврати ја крена на нозе исполнетата сала до последното место, докажувајќи по кој знае кој пат дека е „светско, а наше“.
Бравурите на Џајковски и соработниците на линкот: