Македонија

Јанкуловски: СДСМ е пред смрт, поради разбојништва во минатото, грабеж, корупција, предавства и продажба на националните интереси!

„Природно беше дека ќе се соочи СДСМ со своето политичко исчезнување еден ден. Оваа политичка смрт мораше да се случи.“ – нагласува професорот д-р Звонимир Јанкуловски во својата колумна со наслов со „Хроника на една најавена политичка смрт“, која ја објави новинската агенција „Нетпрес“.

3 минути за читање

„Предавствата и пазарењето со националните интереси се печатот што го ставија социјалдемократите врз државата. Затоа СДСМ е во последната фаза на своето постоење Предавствата и пазарењето со националните интереси се печатот, што го ставија социјалдемократите врз државата. СДСМ ја изгуби иднината во оваа држава. Минатото со политичко разбојништво, грабеж, корупција и продажба на националните интереси го трасираа патот за негово политичко распарчување и исчезнување од политиката во Македонија.“ – истакнува Звонимир Јанкуловски.

Натаму, покрај другото, тој пишува: Социјалдемократскиот сојуз на Македонија е во завршната фаза од своето постоење – дословно умира по неуспехот на локалните избори. Пропаѓањето, или смртта на една политичка партија не треба да се слави. Тоа е трагедија. Тоа покажува што се случува кога се неодговорни политичарите. Оваа губитничка верзија на СДСМ со своите замаглени, идеолошки преокупации, со своите политички предавства, политичка сервилност и ароганција како власт, не ја сфати клучната промена во политиката во Македонија – дека бирачите нема да ги наградат политичкото предавство и политичкиот неуспех.

Политичка партија, што преовладуваше во македонското општество од независноста на државата, сега се наоѓа пред егзистенцијална бездна. Изненадува тоа што оваа партија по два последователни циклуса на порази на изборите не покажува инстинкт за преживување. Трагедијата за оние следбеници, кои ја поддржуваа оваа партија, е што не постои алтернатива не постои. Ниту ЗНАМ, ниту Левица не се алтернатива за СДСМ. .

Лекциите од историјата се немилосрдни. Кога доминантните партии ја губат својата контрола и одбиваат да се приспособат, се уриваат. Наместо опстанок, социјалдемократите продолжуваат да се предозираат со отровна идеологија. Ако воопшто политичката омраза може да се нарече идеологија. Оддамна оваа партија ја изгуби својата боја, својот карактер и својата цел. Се прашувам: дали воопшто некогаш ја имала? Социјалдемократите никогаш и немале некоја водечка идеологија, или принципи,  што ги држат заедно.

Оваа партија отсекогаш била разновидна коалиција на политички кариеристи и профитери, кои никогаш не успеаја да ја дефинираат својата основна цел за постоење во политиката. Без идеологија, или принципи што ги држат заедно, соочени веќе со немање ресурси и неспособни да ги постигнат своите основни цели во политиката, социјалдемократите се на патот на „политичка смрт од распаѓање“.

Предавствата и пазарењето со националните интереси се печатот, што го ставија социјалдемократите врз државата. СДСМ ја изгуби иднината во оваа држава. Минатото со политичко разбојништво, грабеж, корупција и продажба на националните интереси го трасираа патот за негово политичко распарчување и исчезнување од политиката во Македонија. Лицемерно ја обесчестија, изиграа и продадоа оваа партија за лични интереси. Нивна главна цел во политиката беше грабежот на некогашниот општествен капитал, максимално зголемување на изборните резултати и зачувување на моќта на некогашната преобразена комунистичка елита. – заклучува професорот Јанкуловски во својата колумна.

 

Поврзани теми:

топ|актуелно|СДСМ

Повеќе на оваа тема:

Најнови вести од: Македонија

„Скопје1.мк“: „Малолетници под дејство на алкохол со ножеви в рака тргнаа кон мене!“ – вознемирувачко сведоштво од автобус во Скопје

Празничен ден, пикник и детска радост, но за неколку минути сè се претворило во сцена на страв и насилство. Скопјанката Наташа Младеновска сведочи за инцидент во автобус од Водно кон центарот на Скопје, во кој учествувале малолетници, а ситуацијата ескалирала до вадење ножеви.

„МКД.мк“: Во Липково вчера се „славеше„ „слободна територија Карадак“ од конфликтот во 2001 година!

Во Липково вчера беше „прославен“ 2 мај, за општината познат како „Ден на прогласувањето на слободната зона Карадак“, Кумановско, и како Ден на општината. На својот фејсбук-профил пратеникот Ријад Шаќири од Алијансата на Албанците од колицијата Вреди, напиша дека заедно со градоначалникот Еркан Арифи (од ДУИ), општинските советници на гробиштата „оддадоа почит на мачениците кои ги положија своите животи во 2001 година“. Ова го објави информативниот портал „МКД.мк“

Али Ахмети го „прослави“ 2 мај, „Денот на прогласувањето на Карадак како зона ослободена од УЧК во 2001“ и порача: Тоа е и натаму „симбол на отпор“!

Лидерот на ДУИ Али Ахмети вчера го „прослави“ 2 мај „Денот на прогласувањето на Карадак како ослободена територија“ од страна на УЧК во 2001 година“, означувајќи го овој датум како „важен момент во новата историја“. „Во Слупчане е напишана една од најзначајните страници, а прогласувањето на Карадак како слободна зона е доказ за решителност за слобода, достоинство и еднаквост. Карадак и неговите жители остануваат симбол на отпор и единство за поправична иднина.“ – рече Ахмети. Со оваа своја порака тој отвори дилема: каков „симбол на отпор“, но и кон кого, продолжува да биде и денес ова „прогласување територија ослободена од борците на УЧК во мај 2001“?! Претседателот на ДУИ Ахмети „прославува“ и денес „25 години од прогласувањето слободна зона“ инаку на територијата на унитарната држава Македонија!

Османи ќе се „жали“ во ЕУ за „влошувањето на меѓуетничките односи и кршењето на Охридскиот договор“, но и за евроинтеграцијата

„Потпретседателот на ДУИ Бујар Османи е во дводневна работна посета на Брисел, каде што ќе оствари серија средби со претставници на Европската комисија, Службата за надворешни работи на ЕУ, како и со европратеници. Според најавата, во центарот на вниманието на овие средби ќе бидат прашања поврзани со европската перспектива на земјата, забрзувањето на евроинтеграцијата и актуелните политички предизвици.“ – објави информативната агенција на албански јазик Илирија-ИНА.

ВМРО ДПМНЕ: СДС и Филипче водат политика за корист на кланот Заеви и подготвени се да ги дораспродадат македонските интереси со лажната проевропска агенда!

„Филипче тоне во сервилност без крај и води лажна проевропска агенда додека во реалноста нема план и стратегија.“ – нагласува ВМРО ДПМНЕ во своето денешно соопштение.
Сите вести од Македонија

Најнови вести

To top