Македонија

Судската власт сама ќе располага со својот буџет – ветување на премиерот

Мицкоски очекува одговорност и отчетност од судските органи откако ќе се изгласаат реформските закони до Нова година

3 минути за читање

До крајот на годинава ќе бидат донесени реформските закони од областа на правосудството со кои ќе се овозможи финансиска независност на судската власт, најави премиерот Христијан Мицкоски денеска.

Тој нагласи дека финансиската независност ќе значи сами да вработуваат и да вршат прераспределба на нивниот буџет, а потоа ќе се бара отчетност за секоја потрошена пара.

Мицкоски соопшти дека вчера имал состанок со министрите за надворешни работи и трговија, за европски прашања и за финансии и оти се анализирале неколку модели во рамките на Европската Унија. Не можеме, потенцираше тој, ние да бараме 0,8 проценти, а во многу поразвиени земји тој износ е 0,2, 0,3 или 0,4 проценти.

– Анализираме неколку модели од Европа колкав е тој процент од Буџетот и дали се однесува на приходната страна, на вкупните приходи или на БДП. Но, треба да знаат дека во тој момент одговараат за секој денар пари потрошени од вас граѓаните. Од хигиенски препарати па сѐ до реконструкција на институциите. Ќе го добијат тоа. Јавно кажувам дека ќе го добијат тоа откако ќе ја направиме деталната анализа во современите земји. Сами нека вработуваат, сами нека се грижат за сите оперативни трошоци, сами нека си даваат плата во рамки на Буџетот кој што ќе биде процент онаков каков што е во неколку примери кој што ги дефиниравме – рече Мицкоски.

Ќе барам, потенцираше тој, само една работа: одговорност.

– Еве ние како Влада тоа ќе го направиме. Само една работа ќе бараме – одговорност за потрошениот денар народни пари преку Државниот завод за ревизија и преку собраниската Комисија која што врши надзор над работењето. Тоа се народни пари. Тоа не се нивни пари. Како што мене ме контролираат, така и нив ќе ги контролираат – рече Мицкоски.

Премиерот нагласи дека ако останеме на едноцифрена поддршка за судиите и обвинителите, ништо не сме направиле.

– Јас како претседател на Владата сум прв тоа да го добијат. Да видиме тогаш што ќе пречи. Очекувам исто така да излезат од Брисел и да кажат браво и да ни кажат дека сме одлични. Петка дека сме добиле. Затоа што нели, тоа беше проблемот. Немало реформи, еве ќе ги донесеме до Нова година. Ајде да видиме дали е тоа пречката или е нешто друго – рече Мицкоски.

Тој не го коментираше соопштението испратенo од членовите на Судскиот совет, Врховниот суд и Здружението на судиите, потенцирајќи дека остава граѓаните да кажат дали се задоволни од испораката на правдата во Македонија.

– Јас нема да давам одговор на таков тип дописи. Оставам јавноста да каже. Еве граѓаните нека кажат дали тие се задоволни од испораката на правда во Македонија – рече Мицкоски.

Тој додаде дека ќе се држи до она што го кажал претходно.

– Ќе гледаме секој денар каде го трошат. Да не се случи после дел од нив да се најдат на обвинителна клупа како обвинети – рече Мицкоски.

 

Поврзани теми:

Судии|судска власт|Христијан Мицкоски|актуелно|буџет

Повеќе на оваа тема:

Најнови вести од: Македонија

„Скопје1.мк“: „Малолетници под дејство на алкохол со ножеви в рака тргнаа кон мене!“ – вознемирувачко сведоштво од автобус во Скопје

Празничен ден, пикник и детска радост, но за неколку минути сè се претворило во сцена на страв и насилство. Скопјанката Наташа Младеновска сведочи за инцидент во автобус од Водно кон центарот на Скопје, во кој учествувале малолетници, а ситуацијата ескалирала до вадење ножеви.

„МКД.мк“: Во Липково вчера се „славеше„ „слободна територија Карадак“ од конфликтот во 2001 година!

Во Липково вчера беше „прославен“ 2 мај, за општината познат како „Ден на прогласувањето на слободната зона Карадак“, Кумановско, и како Ден на општината. На својот фејсбук-профил пратеникот Ријад Шаќири од Алијансата на Албанците од колицијата Вреди, напиша дека заедно со градоначалникот Еркан Арифи (од ДУИ), општинските советници на гробиштата „оддадоа почит на мачениците кои ги положија своите животи во 2001 година“. Ова го објави информативниот портал „МКД.мк“

Али Ахмети го „прослави“ 2 мај, „Денот на прогласувањето на Карадак како зона ослободена од УЧК во 2001“ и порача: Тоа е и натаму „симбол на отпор“!

Лидерот на ДУИ Али Ахмети вчера го „прослави“ 2 мај „Денот на прогласувањето на Карадак како ослободена територија“ од страна на УЧК во 2001 година“, означувајќи го овој датум како „важен момент во новата историја“. „Во Слупчане е напишана една од најзначајните страници, а прогласувањето на Карадак како слободна зона е доказ за решителност за слобода, достоинство и еднаквост. Карадак и неговите жители остануваат симбол на отпор и единство за поправична иднина.“ – рече Ахмети. Со оваа своја порака тој отвори дилема: каков „симбол на отпор“, но и кон кого, продолжува да биде и денес ова „прогласување територија ослободена од борците на УЧК во мај 2001“?! Претседателот на ДУИ Ахмети „прославува“ и денес „25 години од прогласувањето слободна зона“ инаку на територијата на унитарната држава Македонија!

Османи ќе се „жали“ во ЕУ за „влошувањето на меѓуетничките односи и кршењето на Охридскиот договор“, но и за евроинтеграцијата

„Потпретседателот на ДУИ Бујар Османи е во дводневна работна посета на Брисел, каде што ќе оствари серија средби со претставници на Европската комисија, Службата за надворешни работи на ЕУ, како и со европратеници. Според најавата, во центарот на вниманието на овие средби ќе бидат прашања поврзани со европската перспектива на земјата, забрзувањето на евроинтеграцијата и актуелните политички предизвици.“ – објави информативната агенција на албански јазик Илирија-ИНА.

ВМРО ДПМНЕ: СДС и Филипче водат политика за корист на кланот Заеви и подготвени се да ги дораспродадат македонските интереси со лажната проевропска агенда!

„Филипче тоне во сервилност без крај и води лажна проевропска агенда додека во реалноста нема план и стратегија.“ – нагласува ВМРО ДПМНЕ во своето денешно соопштение.
Сите вести од Македонија

Најнови вести

To top