Виктор Орбан денеска изјави дека војната меѓу Русија и Украина е на „историски пресврт“, а американскиот претседател Доналд Трамп „не се откажал од својата намера да донесе мир во Украина“.
Според Орбан, Европа сега се соочува со „два можни пата“. „Можеме да се вратиме од овој ќорсокак и конечно да се обединиме зад мировната иницијатива на претседателот Трамп, вклучувајќи ги и бирократите од Брисел. Тоа би барало од лидерите, кои се залагаат за војна, да се соочат со фактот дека во изминатите 3,5 години ги трошеа тешко заработените пари на Европејците за војна, која не може да се добие на бојното поле.“ – истакна унгарскиот премиер.
Орбан додаде дека другата опција води „директно во војна“ омеѓу Европа и Русија. „Ако европските лидери, кои се залагаат за војна, продолжат да испраќаат пари и оружје во Украина без поддршка од САД, тогаш тие тие ќе го отворат патот кон европско-руски судир. Европа многу добро знае каде води тој пат, а последиците отсекогаш биле трагични.“ – напомна Орбан.
Тој укажа дека Унгарија го избира патот кон мирот. „Ова е мандат, што ни го даде унгарскиот народ, а диктира морал и здрав разум. Денеска во тој дух испраќам писмо до претседателката на Европска комисија (Урсула фон дер Лајен).“ – кажа Виктор Орбан.