Српскиот полковник и професор Милоје Прушиќ објави книга „Војната против Србија 1914-1918: Геноцид врз српскиот народ“. Книгата беше презентирана на бројни офицери на српската армија и разни партизански здруженија во Домот на армијата во Врање, објави БГНЕС.
Според авторот, книгата е „документарна анализа на злосторствата извршени врз Србите за време на Првата светска војна и ја открива вистината за страдањата на српскиот народ“.
Книгата е поделена на 3 дела, од кои два се поврзани со „геноцидот извршен од Бугарите и Германците“ во наведениот период.
Полковник Прушиќ рече дека книгата е „одговор“ на минатогодишната иницијатива на Германија да ги дефинира како геноцид масакрите во Сребреница во 1995 година (над 9.000 луѓе) од страна на Армијата на босанските Срби, пренесува БГНЕС.